竹子豹变

青少年白癜风治疗 http://baidianfeng.39.net/a_dxkfbl/220726/11334211.html

作者：辛旭光

沪语改写：周红缨

诵读：安娜

文字修正、审阅：丁迪蒙

编辑：王乙其

一种物事总归有得多种讲法，比方讲竹，名士骚客称伊是“岁寒三友”。“竹林七贤”是一定要勒竹林里结拜，再能够显示出自身个精神高洁。白乐天咏竹诗句“不用裁为鸣凤管，不须截作钓鱼竿。千花百草凋零后，留向纷纷雪里看。”刻意对比衬托了竹子个高风亮节。

但是按照江湖人个立场，当然是看重竹子个功用，比方“断竹，续竹；飞土，逐肉”。活泼熟悉竹子个特性，劈制弓弩，营营狩猎。其实两种讲法侪有价值，就看侬是“文青”还是走卒。

竹有交关功能，老少有得田野个产物能搭伊相比：建房，作篱，桌椅，睡榻，筷箸，笤帚，笼箕，帘匾，地板，晾衣，杠棒，滑竿，篮头，玩具。包罗万象。

有人讲，树木也可以担当？我讲，树能吃伐？竹可以有多种吃法：春笋，夏笋，秋笋，冬笋；竹荪，笋尖，笋丝，笋干；拌丝，油焖，炖肉，煨汤。并且老少有人因为过敏而勿能吃个。

竹为乐器，惑众乱心：二胡，笛子，箜篌，芦笙，尺八，箫管，响板，快板等等，丝竹个总和代表了国乐。君不见“四面楚歌”用个就是楚竹，楚党吹楚乐，驱散了西楚霸王个帝王气。

竹子做尺，韧而耐用，除脱仔用作度量之外，以前小囡当中，老少有人没“吃”过“竹笋烤肉”个。所以还要谈谈竹子个“凶器”功能。

中原个组合竹弓，轻携上阵，却可以长程射敌。越战中一个个竹尖陷阱，可以抵挡强敌。当年戚家军勒苏浙打倭寇，就地取材。拿一竿竿杆竹头削尖，留前部一簇竹杈。前军放置竹竿兵，排出像刺猬一样个竹尖阵，封牢了倭兵个手足短刀。后军一拥而上，切倭寇像切瓜一样。

竹子还是礼器。无论民间还是国事。侪少勿了。“爆竹”顾名思义，就是拿竹竿烧裂，竹节发出清脆响亮个声音，以示喜庆。从古到今，还勒乡俗活动当中担任重要角色。比方过年燃竹踩箕，新儿诞生。乔迁新居，老人一定会千方百计，扛两根竹子送来,寓意“节节高升”又可晾衣裳。

以前个乡俗更有讲究。碰到白事，一眼看过去就晓得，去世个是男老还是女老。为啥呢？从孝子拄啥个材质个“哭丧棒”来区分。男老走了必须用竹竿，女老走了必须用木棍。道理深刻：爹去逝了，就像竹子断了，是接勿起来个，表示子女可能因母亲改嫁而改变姓名。而娘去逝了，木棍是可以接上个。爹可续弦，填房，勿影响财产转移搭仔姓氏个改变。

我曾经听说过，偏僻个乡村还保留迭种风俗。我要朋友留意一下，其中“仪仗”个角色内容。迭个事体严肃，后果严重。乡俗勿是迷信，自然有伊深刻个政经背景。竹子个美名莫过于“郎骑竹马来，绕床弄青梅。”李白《长干行》诗，倒是雅俗两界通吃。以竹子个百变百化现象，我伲只能硬生生个造一词语“竹子豹变”。

作者：辛旭光

诵读者：安娜

————————————————————————————

丁迪蒙

迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。

丁迪蒙所撰写的，与沪语相关的著作主要有：

《学说上海话》上海科技文献出版社

《听听说说上海话》少年儿童出版社

《实用沪语》复旦大学出版社

《上海话绕口令》少年儿童出版社

《上海方言词语使用手册》上海教育出版社

《上海话读成语故事》少年儿童出版社

《囡囡学童谣》，少年儿童出版社

《囡囡学成语》，少年儿童出版社